Fróðleikur um Kollsvík

- staðhætti, sögu og fleira

Staðhættir og náttúra - Byggð og atvinnusaga - Mannlíf og frásagnir - Menning og minjar

Sportittlingur í Kollsvík

Nú í júní 2023 sást sportittlingur í Kollsvík í fyrsta sinn, að því að best er vitað.  Þrír fuglar; líklega allt karlfuglar, sáust á Svarðarholtinu, nálægt Ánni.  Sportittlingur; Calcarius lapponicus, telst til fargesta hér en varpstöðvar hans eru m.a. á Grænlandi.  Varp hefur reyndar verið staðfest á Látrabjargi sumurin 2007 og 2009 og vel má vera að hann verpi einnig í Kollsvík.  Hefur sést víða um land.  Fuglinn líkist snjótittlingi í stærð og háttum.  Karlfuglinn er skrautlegur á vorin, með dökkt höfuð, ljósa bringu, rauðleitan hnakka og gult nef.  Kvenfuglinn er brúnni, en með hvítt kögur á fjöðrum.  

-VÖ-